![TÜKÜRPƏDƏN HADİSƏ: Yataqxana müdiri tələbə qızı otağa saldı... TÜKÜRPƏDƏN HADİSƏ: Yataqxana müdiri tələbə qızı otağa saldı...](http://xezer.info/uploads/posts/2016-09/thumbs/1472819413_1472814107_1.jpg)
İstanbul Kocamustafapaşadakı qızlar yataqxanasında tükürpədən hadisə qeydə alınıb. Milli.Az Türkiyə KİV-inə istinadən xəbər verir ki, qızlar yataqxanasının müdiri ilə üç işçisinin oğurluqda günahlandırdıqları Sevil Ç.-nin qolunda siqaret söndürüb, başını qapının arasında qoyaraq əzdikləri iddia edilir.
Yataqxanada müdiriyyət otağındakı qızıl, pul, kompüter və LCD TV-nin oğurlanmasında ondan şübhələndiklərini iddia edən 24 yaşlı universitet tələbəsi Sevil Ç. ağır işgəncələrə məruz qaldığını söyləyərək polisə şikayət edib. Yataqxananın müdiri və əməkdaşları tərəfindən otağa salındıqdan sonra qollarında siqaret söndürüb, başını qapının arasına qoyub əzildiyini iddia edən gənc qız atasının çağırıldığını, hətta onun yanında da təzyiqlə üzləşdiyini, telefonundan götürülən 30-40 fotoyla onu şantaj etmək istədiklərini bildirib.
Məlumata görə, ata A.Ç. ifadəsində 100 min lirəlik sənəd imzalamaq qarşılığında sərbəst buraxıldıqlarını deyib. Yataqxana müdiri isə ifadəsində iddiaları qəbul etməyərək, oğurluq hadisəsinə görə Sevil Ç.-dən şübhələndiklərini qeyd edib. Yataqxana rəhbərləri Eda V., Nedim B. və digər iki sələhiyyətli "azadlıqdan məhrum etmə" və "qəsdən yaralama" cinayəti ilə 17 il həbs oluna bilərlər. Digər xəbərləri Azərbaycan dilində xüsusi Facebook səhifəmizdə izləyə bilərsiniz.