Türkiyədə PKK-nı dəstəkləyən HDP erməniləşmə siyasətini aparır
Son dövrlər HDP-dən olan bələdiyyə sədrlərinin küçələrə erməni adlarını verməsi kütləvi hal alıb.
Əsilsiz Erməni İddiaları ilə Mübarizə Dərnəyinin (ASİMDER) sədri Göksel Gülbek Diyabəkir bölgəsindəki xalqın HDP-nin bu addımına şübhə ilə yanaşdığını deyib: “HDP bələdiyyələrin küçələrə kürdlərin adlarının verilməsi əvəzinə, erməni adlarını verməsi bölgə xalqında HDP-nin ermənilərə xidmət etməsi ilə bağlı suallar yaradır. MHP-nin Kayseridən olan millət vəkili bir neçə il öncə PKK-a tərkibində olan və kürd olduğu deyilən döyüşçülərin əslində erməni əsilli olduğunu rəsmi sənədlərlə açıqlamışdı”.
Onun sözlərinə görə, bəzi HDP bələdiyyələrinin yerinə qəyyumlar təyin olunsa da, bələdiyyə binasından asılan erməni dilindəki lövhələr götürülməyib.
“Götürülənlər də yenidən asılıb. Halbuki, Türkiyədə rəsmi dil türk dilidir və rəsmi adlarda başqa dildən istifadə yolverilməzdir. Daxili İşlər Nazirliyi bu məsələni diqqətdə saxlamalıdır”, - deyə o bildirib.(publika.az)
