Fırtına ABŞ-ın şərqində həyata mənfi təsir göstərsə də, güclü qar və daşqınlara qarşı xəbərdarlıq edilib. Əlverişsiz hava şəraitinin 40 milyondan çox insana təsir edəcəyi gözlənilir.
Xezerinfo.az NTV-yə istinadən xəbər verir ki,Fırtına Proqnoz Mərkəzinin verdiyi açıqlamada təxminən 9 milyon insanın yaşadığı Florida, Corciya, Şimali və Cənubi Karolinanın cənub-şərq əyalətlərində 12 qasırğanın başladığı və ciddi ziyana səbəb olduğu bildirilib.
Bundan əlavə, şərq sahillərində yağışın gözlənildiyi və Atlanta, Vaşinqton və Nyu-York kimi sıx məskunlaşan şəhərlərdə daşqınların baş verə biləcəyi xəbərdarlığı edilib.
Ölkədə elektrik enerjisinin kəsilməsini izləyən “Poweroutages” saytına görə, güclü külək səbəbindən ABŞ-da təxminən 400 min ev və iş yerinə elektrik enerjisi kəsilib.
Ölkənin şərqində yerləşən Florida, Corciya və Şimali Karolina elektrik kəsilməsindən ən çox zərər çəkən ştatlar olub.
ABŞ-da qış şəraiti hava nəqliyyatına da təsir edib. Ölkədə hava hərəkəti statistikasını aparan “FlightAware” saytının məlumatına görə, əlverişsiz hava şəraiti səbəbindən 966 reys təxirə salınıb, 5580 reys gecikib.
Səlahiyyətlilər həmçinin bu gündən etibarən ölkənin şərqinə 30 santimetrə qədər qar yağa biləcəyi barədə xəbərdarlıq edərək, çərşənbə günü fırtınanın sürətinin Nyu-Yorkun paytaxtında saatda 65-95 kilometr arasında dəyişəcəyini və böyük fəsadlara səbəb ola biləcəyini qeyd ediblər.
