Şirvanşahlar Sarayı Kompleksinin “Murad darvazası” qarşısındakı ərazisində aparılan bərpa işləri tənqid edilir. Yol örtüyü və pillə daşları fiziki və bioloji dağıdıcı təsirə uğradığı üçün təmir zamanı yenilənib, dağılmış yerlərə yeni daşlar döşənib.
Ancaq aparılmış işlər heç kəsin ürəyincə olmayıb. Şirvanşahlar Sarayı Kompleksinin ən son abidəsi olan “Murad darvazası” və ya “Şərq portalı” abidəsinin yeni görkəmi xüsusilə tarixçilər tərəfindən tənqid edilir.
Tribunainfo.az xəbər verir ki, tarixçi Yadigar Sadıqlının fikrincə, Şirvanşahlar Sarayı Kompleksinin “Murad darvazası” qarşısındakı ərazidə apardığı iş bərpa deyil, məhv etməkdir:
“”İçəri Şəhər – Living History” görülən işləri yaxşı bir iş kimi paylaşıb. Ancaq bu bərpa etmək deyil. Bu, tarixi dağıdmaq deməkdir, dağıdıb yenində yeni bir şey düzəltmək deməkdir”.
