Azərbaycanın Qarabağda antiterrorist təmizlənməsi üçün bütün əsasları var.
Xezerinfo.az yazır ki, bu barədə politoloq Zaur Məmmədov deyib. O qeyd edib ki, diversiya qrupunun azad edilmiş Azərbaycan torpaqlarına soxulmasını yalnız Ermənistan hakimiyyəti və onların marionetləri tərəfindən təşkil oluna bilərdi:
“Ən iyrənc olanı isə odur ki, Xocavənd rayonunda terror aktları ilə bağlı xəbərlər erməni blogosferində şiddətli sevincə səbəb olub. Üstəlik, bir çox müəlliflər hədə-qorxu axını yayır və erməni işğalından azad edilmiş ərazilərdə bütün azərbaycanlılarla mübarizə aparacaqlarına söz verirlər. Nəhayət, minaların partladılması ilə eyni vaxtda daha bir “radio terrorizm” aktı törədildi – bu dəfə AZAL-ın Tbilisi-Bakı reysinə müdaxilə edildi.
Ermənistanda siyasi terror ənənələrinin nə qədər dərin olduğunu xatırlatmağa ehtiyac yoxdur. İndi ölkəmizin Qarabağın tam təmizlənməsi üçün həm hüquqi əsasları, həm də hərbi-güc vasitələri var. Mülki əhaliyə qarşı terror isə heç kimə keçməsinə icazə verməyəcəyimiz “qırmızı xətt”dir!”.
