Son həftələr Çeçenistan lideri Ramzan Kadırovun ağır xəstə olması və komada ola biləcəyi ilə bağlı xəbərlər yayılıb.
Qaynarinfo-nun məlumatına görə, inquş jurnalist Maqomed Toriyev qeyd edir ki, nə Çeçenistandan, nə də çoxlu sayda çeçen diaspor üzvünün yaşadığı Avropadan Kadırovun vəziyyəti ilə bağlı heç heç bir təsdiq yoxdur. Eyni zamanda, onun sözlərinə görə, əgər Kadırov həqiqətən də komadadırsa, Kreml onun yerini kimin tutacağına qərar verənə qədər orada qalacaq.
Onun sözlərinə görə, Kadırovu üç nəfər əvəz edə bilər:
1. Dövlət Dumasının Çeçenistan Respublikasından olan deputatı Adam Delimxanov;
2. Çeçenistan parlamentinin sədri Maqomed Daudov;
3. Çeçenistan baş nazirinin güc bloku üzrə müavini və “Axmat” bölməsinin komandiri Abuzaid Vismuradov.
Jurnalist əmindir ki, Çeçenistanda heç kim yeni təyin olunmuş rəhbərə qarşı çıxmayacaq:
“Siyasi həyat, siyasi partiyalar, söz azadlığı, müstəqil kütləvi informasiya vasitələri yoxdur. Diktatura, konslager var. Kimin təyin olunmasından asılı olmayaraq, Moskvanın dəstəyinə arxalanacaq. Rusiyada qubernatorların heç biri öz bölgəsinin, regional elitanın dəstəyinə arxalanmır, hamısını Moskva təyin edir. Əhalinin hansısa reaksiyası barədə Kremlin düşünməsinin mənası yoxdur”.
Çeçenistan liderinin səhhətinin pisləşməsi ilə bağlı şayiələr 2023-cü ilin əvvəlindən yayılmağa başlayıb. Xüsusilə, Ramzan Kadırovun fevralın 21-də prezident Vladimir Putinin Rusiya Federasiyası Federal Məclisinə müraciətini qaçırmasından sonra həyəcan təbili çalıb.
Hərbi ekspert Oleq Jdanov hesab edir ki, Kadırov Putinin göstərişi ilə zəhərlənə bilər.
Bir gün əvvəl Kadırovun komada olması ilə bağlı xəbərlər yayılmışdı. Bunu Ukrayna Müdafiə Nazirliyinin Kəşfiyyat Baş İdarəsinin nümayəndəsi Andrey Yusov şərh edib və qeyd edib ki, həqiqətən də, Kadırovun vəziyyətinin ağır olduğu barədə məlumatlar var.
