Cənubi Koreyada süni intellektin köməyi ilə Şimali Koreya lideri Kim Çen İnin çəkisi müəyyən edilib.
Xezerinfo.az Reuters-ə istinadla xəbər verir ki, onun çəkisi 140 kq-dan çoxdur.
KXDR liderinin səhhətinin vəziyyəti dövlət sirridir, lakin onun 39 yaşında olduğu və ürək xəstəliyi və həddindən artıq siqaret çəkməsi səbəbindən hər il kökəldiyi güman edilir.
“Mayın 16-da ictimai çıxışı zamanı o, yorğun görünürdü, gözlərinin altında aydın qara dairələr var idi və süni intellektin hesablamalarına görə, çəkisi 140 kq-dan çox idi”, – parlamentin kəşfiyyat komitəsinin üzvü Yoo Sanq-Bam deyib.
Kim Çen İnin səhhətinə dair kəşfiyyat məlumatlarına istinad edərək, o, əlavə edib ki, siyasətçinin “ciddi” yuxu pozğunluğu var.
Kəşfiyyatçılar həmçinin Kim Çenin alkoqol və nikotindən asılılığın “şər dairəsinə” düşmək və həddindən artıq siqaret və qəlyanaltı istehlakı səbəbindən yuxusuzluğun daha da kəskinləşməsi ehtimalını nəzərdən keçirirlər.
Kim Çen İn 2011-ci ildə atası Kim Çen İr infarktdan vəfat etdikdən sonra hakimiyyətə gələn üçüncü nəsil irsi liderdir.
Şimali Koreyanın dövlət mediası nadir hallarda liderin səhhəti barədə məlumat verir.
