Prezident Rəcəb Tayyib Ərdoğan qrup toplantısındakı çıxışında, seçiləcəyi təqdirdə kabinetdə yeni adların olacağını bildirib.
Xezer.info Gazete Duvar-a istinadən xəbər verir ki, Prezident Ərdoğan mövzu ilə bağlı bunları söyləyib: “Üç müddətli qaydaya görə namizəd siyahılarında yeni adlar olacaq. Bu estafet yarışıdır. Nazirlərimiz bu günə qədər kabinetdə verdikləri xidmətləri TBMM-də edəcəklər. Mayın 14-dən sonra Nazirlər Kabinetində yeni adlar olacaq”.
Seçkilərlə bağlı Ərdoğan sözlərini belə davam etdirib: “Prezidentliyə namizədlər ötən gün açıqlandı. YSK-nın açıqlamasına görə, mənimlə birlikdə 4 namizəd var. Bu inkişafın ölkəmiz üçün xeyirli olmasını arzulayıram. Millətimizin uzaqgörənliyi və gələcəyi üçün doğru qərar verəcəyinə inanırıq. Millətin iradəsi yenə qalib gələcək, Türkiyə 20 ildir davam etdirdiyi demokratiya yoluna davam edəcək. “Türk əsri”nin qurulmasına heç kim mane ola bilməyəcək”.
