Bu gün Çempionlar Liqasında III təsnifat mərhələsinə start verilib.
Qol.az-ın məlumatına görə, son Azərbaycan çempionu "Qarabağ" növbəti oyununa çıxıb.
Qurban Qurbanovun komandası Çexiyada "Viktoriya"nın qonağı olub. Ardıcıl üçüncü dəfə ÇL-in III təsnifat mərhələsində oynayan və "pley-off"a vəsiqə qazanmağa çalışan Ağdam klubu səfərdən sərfəli nəticə ilə ayrılıb. Gərgin mübarizə şəraitində keçən oyun 0:0 hesablı bərabərlik başa çatıb.
Qeyd edək ki, bu komandalar arasında cavab görüşü avqustun 2-də Bakıda keçiriləcək. Əgər "Qarabağ" minimal hesablı qələbə qazansa, növbəti mərhələyə adlayacaq.
