Qala yolunda mikroavtobus “Jiquli” markalı avtobusla toqquşub
Bu gün günorta saatlarında Bakıda - Qala yolunda mikroavtobus “Jiquli” markalı avtobusla toqquşub. Avtosfer.az trend-ə istinadən verdiyi xəbərə görə, Səhiyyə Nazirliyindən bildirilib ki, hadisə yerinə təcili-tibbi yardım briqadası çağırılıb.
Qəza nəticəsində xəsarət alan 6 nəfər briqada tərəfindən Bakı Şəhər 3 saylı Klinik Xəstəxanaya gətirilib. Onlardan biri elə xəstəxanaya gətirilən kimi, biri isə əməliyyata başlayan zaman dünyasını dəyişib. Qalan 4 şəxs isə hazırda xəstəxanada müalicə olunurlar, vəziyyətləri orta ağırdır.
