![Rüfət Quliyev: "Ölkədə dərmanların qiyməti süni formada qaldırılır" Rüfət Quliyev: "Ölkədə dərmanların qiyməti süni formada qaldırılır"](http://xezer.info/uploads/posts/2022-06/medium/1654509865_007.jpg)
Ölkədə süni formada dərmanların qiyməti qaldırılır.
“Report” xəbər verir ki, bunu “Azərbaycan Respublikasının 2021-ci il dövlət büdcəsinin icrası" ilə bağlı Qanun layihəsinin Milli Məclisin İqtisadi siyasət, sənaye və sahibkarlıq komitəsinin iclasında müzakirəsi zamanı deputat Rüfət Quliyev deyib.
“Ölkəyə dərman gətirənlər 1 qramlıq dərmanları yavaş-yavaş sıradan çıxarırlar. Bundan sonra ölkəyə eyni qiymətə həmin dərmanın 0,5 qramlığı gətirilir. Onu istifadə edən xəstə məcbur olur ki, həmin qiymətə o dərmandan ikisini alsın”, - deyə R.Quliyev bildirib.
İcbari Tibbi Sığorta üzrə Dövlət Agentliyinin sədri Zaur Əliyev millət vəkilinin sualını cavablandıraraq vurğulayıb ki: "Dərmanlarla bağlı məsələ bizə yox, Səhiyyə Nazirliyi və İqtisadiyyat Nazirliyinə aid məsələdir. Sadəcə məlumat üçün onu deyim ki, bu istiqamətdə 3-4 aydır məsləhətçilərlə iş gedir və yaxşı nəticələr əldə olunub".