AB rəsmiləri Baş nazir Viktor Orbanı Rusiya neftinə sanksiyaları dəstəkləməyə inandırmaq üçün Macarıstana maliyyə təzminatı verməyi nəzərdən keçirirlər.
Axar.az xəbər verir ki, bu barədə “Politiko” AB-nin üç nümayəndəsinə istinadən məlumat yayıb.
Məlumata görə, AK mayın 18-də açıqlanacaq “REPowerEU” adlı enerji strategiyasının ödəniş mexanizmlərindən istifadə etməklə Macarıstana təsir etməyə ümid edir.
“Biz “REPowerEU” ilə Macarıstana nə qədər çox kömək etsək, onlar Rusiya neftindən bir o qədər tez uzaqlaşa bilərlər. AB-nin Rusiyadan bütün xam neft və emal olunmuş yanacaq idxalını bloklamaq planına Macarıstanı cəlb etmək Putinin hərəkətlərinə güclü təsir üçün vacibdir”, - AB-nin yüksək rütbəli rəsmisi deyib.
