Mariupolun müdafiəçiləri heç bir kömək görmür. Onlar düşmənlə üz-üzə qalıblar.
Axar.az xəbər verir ki, bu barədə "Azov" alayının kəşfiyyat zabiti İlya Samoylenko deyib.
"Bizim hələ də ehtiyatlarımız, silahlarımız... xüsusən də düşmənin yaxınlığı səbəbindən indi istifadə edə bilmədiyimiz artilleriyamız var. Lakin Rusiya bu silahlardan istifadə edir. Amma bizim bütün resurslarımız məhduddur, həyatımız təhlükədədir",- o bildirib.
Samoylenko vurğulayıb ki, Mariupolun müdafiəçiləri heç bir yardım almır və düşmənlə üz-üzə qalıb:
“Hələ suyumuz var, sursatımız var, şəxsi silahlarımız var və vəziyyət düzələnə qədər döyüşəcəyik”.
O, qeyd edib ki, Azov alayına Mariupolu müdafiə etmək əmri verilib və nə qədər lazımdırsa, o qədər döyüşəcək:
"Biz özümüzü müəyyən mənada tərk edilmiş hiss edirik. Biz dünya ictimaiyyətinin böyük dəstəyini hiss edirik. Amma bilirsiniz, daha çox dəstək verən nədir? Düşmən mövqelərini vuran dost təyyarələridir.Ukraynanın cənubunda, xüsusən də Xerson, Berdyansk və Melitopolda uğurlu əməliyyat komandanlığı Azovstaldakı döyüşçülərə dəstək verəcək. Biz öz işimizi görürük, baxmayaraq ki, bəzi siyasətçilər öz işlərini görmürlər. Biz çoxlu sayda düşmən qoşununun qarşısını alırıq".
