“Birinci Qarabağ müharibəsində 4 mindən çox azərbaycanlı itkin düşüb. Tam əminəm ki, bu insanların bir qismi erməni quldurları tərəfindən insan orqanları mafiyasının qurbanına çevriliblər”.
“Qafqazinfo” xəbər verir ki, bunu Milli Məclisin bu gün keçirilən iclasında deputat Siyavuş Novruzov deyib.
O bildirib ki, bununla bağlı məsələ beynəlxalq təşkilatlar qarşısında qaldırılır: “Nə Avropa Şurası, nə də digər beynəlxalq təşkilatlar bu məsələ ilə bağlı səslərini çıxarırlar”.
