Respublika Diaqnostika Mərkəzi dünən xəstəxananın 5-ci mərtəbəsindən özünü yerə atan xəstə ilə bağlı rəsmi məlumat yayıb.
“Qafqazinfo”nun xəbərinə görə, açıqlamada qeyd olunub ki, dünya statistikasına əsasən, xroniki böyrək çatışmazlığından əziyyət çəkən və böyrək transplantasiyası icra olunmuş xəstələrin 25%-i ağır depressiv vəziyyətdə olur. Bununla bərabər, aparılan ciddi statistik araşdırmalara görə, xroniki böyrək çatışmazlığından əziyyət çəkən xəstələrin 21%-də suisidial cəhdlər qeydə alınır. Bu səbəbdən də, böyrəkköçürmə əməliyyatından əvvəl hər bir xəstə və donoru psixiatr müayinəsindən mütləq şəkildə keçir. Elə xəstə İlkin Gülməmmədov da müraciət etdiyi zaman psixiatr qəbulunda olub:
“43 yaşlı xəstə martın 1-də müayinə olunmaq üçün xəstəxanaya müraciət edən zaman bütün zəruri müayinələrdən, həmçinin psixiatr baxışından keçib. Sentyabrın 23-də xəstə əməliyyat olunaraq ona böyrək köçürülüb. Oktyabrın 5-i normal vəziyyətdə evə yazılıb.
