Bakıda kafelərdən birində bıçaqlanma olub
Bakıda orta yaşlı kişi boğaz nahiyəsindən bıçaqlanıb.
APA -nın xəbərinə görə, qanlı hadisə paytaxtın Yasamal rayonu, Yeni Yasamal yaşayış massivində baş verib.
Adıçəkilən ərazidə yerləşən kafelərdən birində təxminən 43-44 yaşlarında Əmir adlı şəxs əvvəlcə dostları ilə oturaraq yeyib-içib. Daha sonra tərəflər arasında mübahisə yaranıb və onlardan biri Əmirin boğazına mətbəx bıçağı ilə xəsarət yetirib. Çoxlu qan itirən yaralı təcili 1 saylı şəhər kliniki xəstəxanasına çatdırılıb.
Hadisənin təfərrüatlarını Yasamal RPİ-nin əməkdaşları araşdırır.
