Ehtiyatda olan Baş İstintaq və Təhqiqat İdarəsinin rəisi, polis general-mayoru Sərvər Mehrəliyev yeni vəzifəyə təyin edilib.
Redaksiyamız 1news.az-a istinadən xəbər verir ki, Sərvər Mehrəliyev Daxili işlər naziri, general-polkovnik Ramil Usubovun müşaviri vəzifəsinə təyin edilib.
Bununla yanaşı, bir sıra KİV-də yayılmış general-mayor Həsən Şirinovun Bakı Şəhər Baş Polis İdarəsinin rəisinin köməkçisi vəzifəsinə təyin edilməsi haqqında məlumatın da həqiqətəuyğun olmadığı aydın olub.
General-mayor Həsən Şirinov Bakı Şəhər Baş Polis İdarəsinin rəisinin müavini vəzifəsində öz işini davam etdirir.
