Ölkədə ağartı məhsullarının qiyməti durmadan qalxır. Bunun artıq qarşısıalınmaz bir prosesi çevrildiyi müşahidə edilir. Günbəgün artan qiymətlər əhalinin gəlirlərinə tərs mütənasibdir.
Politika.Az-ın İqtisadiyyat Şöbəsinin yaydığı xəbərə görə, mağazalarda qatıq, süd, şor, xama, mayonez bahalaşıb.
İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti supermarketlərdə, mağazalarda heç bir araşdırma aparır. Bu nəzarətsizlik bir xaos və anarxiya yaradıb. Nəticədə istehsalçılarla satıcılar qiymətlərdə istəklərini reallaşdırır.
İstehlakçılar isə hər gün yeni tariflərlə qarşılaşır. Əhalinin gündəlik tələbatı olan qatıq, süd, şor, xama, mayonez bahalaşması ondan xəbər verir ki, İqtisadiyyat Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin nəzarətindən kənarda qalıb.
Bu proses davamlı xarakter alarsa, növbəti mərhələdə bəzi idxal mallarının satışı dayana, qıtlıq baş verə bilər. Manat dollar qarşısında növbəti dəfə dəyərdən düşərsə, ərzaq məhsullarının qiyməti qalxacaq. Bahalaşma qaçılmaz olacaq.
Politika.Az-ın İqtisadiyyat Şöbəsinin yaydığı xəbərə görə, Azərbaycanda kifayət qədər məhsul istehsal olunmadığından payıza, qışa ərzaq ehtiyatı yoxdur.
Əslində istehsal olunan məhsulların bir hissəsi bazara çıxarılmalı, bir hissəsi ehtiyat saxlanmalı idi. Xüsusən də ölkənin düşdüyü belə bir zamanda.
Bütün bunların heç biri olmadı. Nəticədə manat dəyərdən düşərsə, idxaldan asılı bir dövlət kimi qiymət artımı da qaçılmaz olacaq. Gündəlik tələbat mallarının 50 faizi idxal olunur. İdxal olunduğu üçün də qiymətlər dollarla tənzimlənir.
Manatın dəyərdən düşməsi həm ölkəyə idxal olunan, həm də yerli istehsal kənd təsərrüfatı məhsullarının, ərzaq mallarının qiymətinin artmasına səbəb olacaq. Bu proses qaçılmazdır. 2015-ci ilin həm əvvəlində, həm də sonunda manat devalvasiyaya uğradı.
2016-cı ildə isə 2015-ci ildən fərqli olaraq rəsmi heç bir devalvasiya olmasa da, manat dəyər itirməkdə davam etdi və ölkədə demək olar ki, bütün sahələr üzrə qiymət artımı müşahidə olundu. 2017-ci ildə eyni tamplə davam edir.
Vətəndaşların süni bahalaşmada roluna gəldikdə isə müəyyən iş adamları, biznes adamları da yaranmış vəziyyətdən sui-istifadə etdilər.
Yəni obyektiv yox, subyektiv qiymətlər tətbiq etdilər ki, bu da müəyyən qədər bahalaşmaya rəvac verdi. Düzdür, bununla müəyyən qədər mübarizə aparılsa da, bahalaşma davam etdi.
