"La Gazzetta dello Sport" yeni nəşrində "Yuventus" rəhbərliyi və baş məşqçi Massimliano Alleqri arasında soyuq münasibətin yarandığını yazıb.
Goal.az xəbər verir ki, mənbə Alleqrinin istefası durumunda onun postuna namizədlərin siyahısını da qeyd edib. Bunlar Paulo Souza (Fiorentina), Eusebio Di Françesko (Sassuolo) və Leonardo Jardimdir (Monaco). Alleqri qələbələrin faizinə görə (69.17%) "Yuventus"un tarixindəki məşqçilər arasında rekordçudur. Komanda A Seriyasında 17 turdan sonra liderdir və Çempionlar Liqasının 1/8 finalında "Porto" ilə qarşılaşacaq. Dekabrın 23-də keçirilən İtaliya Superkuboku matçında "qoca senyora" "Milan"a uduzmuşdu.
