“Azərsun”dan xalqa və hökumətə zərbə - ÖZƏL
“BazarStore”da qiymətlər bu gündən qaldırılır
“BazarStore” marketlər şəbəkəsi qiymətləri bu gündən bahalaşdırır.
Bu barədə Politika.Az-a şəbəkənin Yeni Yasamaldakı mağazasından alver edən oxucumuz bildirib. Müştərilər deyirlər ki, marketdə işçilər köhnə qiymətlərlə yanaşı, malların üzərinə tələm-tələsik yeni baha qiymətlər vururlar: “Buna etirazımı bildirdim, mənə dedilər ki, istəmirsən burdan bazarlıq etmə. Hətta biri gülə-gülə dedi ki, nə vaxta qədər etməyəcəksiz, 3-5 gündən sonra məcburən gəlib yeni qiymətə alacaqsız. Marketdə izah etməyə çalışırlar ki, Tarif Şurasının son bahalaşma qərarı daha çox onlar kimi iri obyektlərə təsir edir. Deyirlər sizin nə vecinizədi, qış qıxana qədər limiti aşmayacaqsız da, amma bizim obyekt qoyulan limiti bir həfətə istifadə edir”.
Politika.Az-ın oxucusu deyir ki, artan xərci vətəndaşlardan çıxmağın düzgün olmadığını onlara başa salmağa çalışıb: “Lakin mənə dedilər ki, bazar şərtləri belə tələb edir. Deməyə söz tapmadım, zəruri ehtiyacım olan malları alıb çıxdım”.
