Los-Ancels polis idarəsi Trampla işləməyəcəklərini bəyan edib.
Los Ancels polis idarəsinin rəisi Çarli Bek təmsil etdiyi qurumun miqrasiya ilə mübarizə məsələsində Trampla əməkdaşlıq etməyəcəyini bildirib.
ABŞ-ın yeni prezidenti Donald Trampın qaçqınları deportasiya edəcəyi barədə açıqlamalarına Los Ancels polis departamentindən cavab gəlib. İdarənin rəisi Çarli qanunsuz miqrantların deportasiya məsələsində mövqeyini dəyişdirməyəcəyini bildirib: Kiminsə miqrasiya statusuna əsaslanan qanun tətbiq etmə fəaliyyətlərinə boyun əyməyəcəyik. Ölkə təhlükəsizliyi baxımından deportasiya cəhdlərinə aid məsələlərdə Trampla əməkdaşlıq etməyəcəyik".
Tramp isə cinayət işləmiş, narkotik maddə satışı və ya kriminal qruplaşmalara üzv olan qaçaq miqrantların deportasiya edilməsinin vacibliyini vurğulayaraq onları həbslə də hədələyib.
ABŞ-da 11 milyon miqrant yaşayır.
Nümayişlər davam edir. ABŞ-ın paytaxtı Vaşinqtonda 3 min nəfərlik kütlə "Trump Otel"-in qarşısından ABŞ Konqresinə qədər hərəkət edib və Donaldın prezident seçilməsinə etirazını bildirib. Konqresin qarşısına toplaşan mitinq iştirakçılarından bəzisi həbs edilib.
