Yaşlanma ilə əlaqədar yaranan qırışlar zamanla daha aydın olur. Qırışları aradan qaldırmaq üçün istifadə edilən müxtəlif maskalar var. Bununla belə, qırışları aradan qaldırmağın əsl üsulu hialuron turşusunda gizlənir.
Xezerinfo.az Milliyet-ə istinadən xəbər verir ki, Dəriyə qulluq vasitələrində də tapılan hialuron turşusu nəm balansını qorumaqla məşhurdur. Dərinin üst qatına yerləşərək suyu özünə çəkir. Rütubəti nizamlayaraq daha sağlam və dolğun görünüş təmin edir.
Hialuron turşusu dərinin elastikliyini artıraraq incə xəttləri və qırışları azalda bilər. Dərini nəmləndirmək və dolğunlaşdırmaq yaşlanma əlamətlərini yüngülləşdirə bilər. Hüceyrələri yeniləyərək ölü dərini çıxarmağa kömək edir.
Məlum olduğu kimi kollagen dərinin möhkəmliyini və elastikliyini təmin edən zülaldır. Dəri bağlarını gücləndirən kollagen hialuron turşusunun istifadəsi ilə dəstəklənə bilər. Bu həm qırışları aradan qaldırır, həm də dəri səthindəki kiçik kəsiklərin və ya qıcıqlanmaların daha tez sağalmasına kömək edə bilər. İltihab əleyhinə xüsusiyyətlərə malik olan turşu növü dəridə qızartı və qıcıqlanmanı aradan qaldıra bilir. Xüsusilə həssas və daim qıcıqlanan dəri tipləri üçün müxtəlif faydalar təmin edə bilər.
Dərinin daha parlaq, dolğun, canlı və hamar görünməsi üçün onun təmiz olmasına diqqət yetirilməlidir. Dəri təmiz saxlanmazsa, istifadə edilən məhsulların faydalarını tam görmək mümkün olmaya bilər.
Araşdırmalar göstərir ki, qırışların qarşısını almağın ən təsirli üsulu dəridəki məsamələri təmizləməkdir. Buna görə də dəri sağlamlığı üçün görüləcək ilk şey üzünüzü yumaq və dərini makiyajdan və kirdən təmizləməkdir.
Üzünüzü müntəzəm olaraq yuyarkən hialuron turşusundan istifadə etməyə davam etsəniz, faydalı təsirlərini daha aydın görə bilərsiniz. Həmçinin, hər axşam yatmazdan əvvəl nəmləndirici kremdən istifadə etməyi unutmayın.
