ABŞ dövlət katibi Antoni Blinkenin Türkiyəyə səfəri zamanı xarici işlər naziri Hakan Fidanı qucaqlamaq istəməsi, nazirin isə bundan yayınaraq sadəcə əlini sıxması dünya mətbuatında zəlzələ effekti yaradıb.
Rusiya parlamentinin yuxarı palatası Federasiya Şurasının senatoru Aleksey Puşkov Ankarada keçirilən görüşü dəyərləndirib.
O bildirib ki, Fidanın Blinkenə münasibəti Vaşinqtonun dünyada rolunun azalmasına işarə edir: “Blinkenin Ər-Riyadda və xüsusilə ABŞ-ın NATO müttəfiqi olan Türkiyədə soyuq qarşılanması, ilk növbədə Qəzza zolağında baş verənlərə reaksiyadır. Bu, Vaşinqtonun açıq şəkildə təsdiqlənməsi ilə baş verir. Fidan nəinki Blinkeni hava limanında qarşılamağa gəldi, eyni zamanda danışıqlardan əvvəl onu qucaqlamaqdan qətiyyətlə çəkindi”.
“İslam ölkələrinin ABŞ-a soyuq münasibəti yeni dövrün başlanğıcı deməkdir. Qərb ölkələri istisna olmaqla, Vaşinqtondan gələn sözlərə çox az insan inanır”, deyə Aleksey Puşkov vurğulayıb.
